تدري ان ( اصعب سوال ) اللي يجي ردهـ سوال

( اصعبـ سؤالـ ) اللي جوابه للأسف مثله ( سؤالـ ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وشـ ذكـركـ ذيـكـ الليـالـ ؟ )
كان الجواب بكل بساطه : ( منـ متى اصلا نسيـتـ ؟ )

ادري بان جمع ( الصعوبهـ والبساطهـ ) شي محـال !!
لكنها صارت كذا ! واللـي (( أهـمـ )) انـي دريـت :

ان الحيـاه فبعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـتـ !!)

يا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!

شفني قدرت احبس دموعي بس ( دمع القافـ ) سـال
ويا كبرها ساكـت ولكـن داخـل اوراقـي بكيـت !!

عمر الحكي ما كـان دافـي لاابتـدى بقولـة تعـال
لجـل اتجاهـل رجفـة حروفـي اليامنـي حكيـت ..

الحـال فـي بعـدك قسـم بالله مـا اسميـه حـال
انوي على (الضحكهـ) واحس كلي خطا لانـي نويـت ؟!

اتصور انك مـن رحلـت اشوفـك لجسمـي ظـلال
لا شفته امشي ببتعد واثره معـي مهمـا مشيـت !!

مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..

يرضيك ما عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!

صرت ( اعقد حجاجي ) اذا جابـوك باطـراف الجـدال
وانا قبل لاقالوا اسمـك كنـي : ميـت ثـم حييـت!؟

تعبـت اعيـش الـدور وافتـح للمعاذيـر الخـيـال
واتخيل انـي جيـت فـي بالـك وبانـك استحيـت!!

وتردلي كلك (( ولهـ )) وتقول : ( كنـ البعد طـالـ ؟ )
ومن الفرح ما عاتبك واقول : ( ياخـي مابغيـتـ !! )

حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..

قلي شسوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..

ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!

واذا بـلاك الله وعذبـك اشتياقـك (( بـس تعـالـ ))
واقرى القصايد في غيابـك كلبوهـا بيـت ... بيـت

بتدرى ان ( اصعبـ سؤالـ ) اللي يجي رده ( سـؤالـ )
لا قلتلي ( وشـ ذكركـ ؟ ) ثم قلتلك ( متى نسيـتـ ؟ )

اقتباس :: بتدرى ان ( اصعبـ سؤالـ ) اللي يجي رده ( سـؤالـ )
لا قلتلي ( وشـ ذكركـ ؟ ) ثم قلتلك ( متى نسيـتـ ؟ )

اللة رئعة

تسلم يامدير على النقل

تقبل مروووووري وتحياتي

مشكووووووووووور

تقبل مرووووري وتحياتي

مشكووووووووور قصيدة رائعة

تقبل تحياتي

يعطيك العافيه يالزعيم

على النقل المتميز

فتىا المشعليه