جوالها وايميلها

الجادل اللي غلاها بين حدب الضلوع

ابطيت ماجاتني منها مراسيلها

شهرينّ.. لا والله الا اليوم عاشر ربوع

سبعين ليله وهذا الليل تكميلها

اقفت وقلبي على طول المفارق جزوع

وشلون تقفي وانا قلبي ينادي لها

غابت وشمس التلاقي مانوت بالطلوع

واجتاحت القلب غربه موحشٍ ليلها

من بعدها في عيوني تستكن الدموع

ولولا غلا دمعها بلت مناديلها

صحيح جوع المشاعر ماهو ايات جوع

تضيق منه النفوس وينتهي حيلها

فقدت من فقدها والبعد عنها يروع

ومن بعدها شبت الفرقا قناديلها

الترفه اللي لها في وسط قلبي فزوع

دلة غلا يشرب العاشق فناجيلها

ان كان ترضي جموع ..ان كان تزعل جموع

مزيونةٍ بالحلا تامر على جيلها

فيها الحلا بالوصايف والحلا بالطبوع

تحتار فيها العقول وفي تفاصيها

في الشعر معنى الدجى..في الخد معنى السطوع

وفي العين معنى الهلاك اللي جذبني لها

وفي الطول معنى شموخٍ مايعرف الخضوع

وفي البسمه التوت واللؤلؤ يغني لها

وانا اعترف بالقناعه بس ماني قنوع

احزن على فراقها وارجي مواصيلها

مدري نوت بالرجوع او مانوت بالرجوع

ولا زلت اشيك على جوالها وايميلها

صح لسان قايلها

وسلمت يد ناقلها

المايستروو

ابداع ويسلم ذوقك

لك كل الود

الله يعطيك العافيه

نورت الصفحه بتواجدك